Poco prome cu 12’or di merdia a tuma luga un accidente riba Watty Vos Boulevard den vecindario di Ponton, unda un persona a resulta levemente herida.
Segun por a compronde na e sitio, un señora riba bicicleta a bay cruza riba e boulevard y a haci esaki na e parti di zebrapad, pero ta parce cu e chauffeur di e vehiculo no a mir’e na tempo. E consecuencia ta cu el a alcansa e ciclista.
E herido no tabata mustra di tin lesion grave, pero tabatin dolor na su cabez pa cual a dicidi di pidi pa un ambulance.
E accidente a causa cu mester a cera e pasada pa un rato.