Diaranson anochi laat patruya di Sta Cruz coriendo riba caminda na altura di Tamarijn a duna un auto Mazda 323 oro señal pa para pero e chauffeur di e auto a nenga esaki y cuminsa trot bay.
Polis a sigui su tras dunando e ordo pa para pero den e birada di Sero Cristal e chauffeur ta perde control di e auto y ta drenta un cura di cas y bay dal riba un auto Toyota Rav-4 shinishi para den e cura.
E chauffeur un hende homber a baha for di auto y core drenta mondi. Polis a tuma e auto den beslag pa mas investigacion. Takelwagen a presenta y hiba e auto Balashi.