CABRERA, Australia- Cerca di 62 % di e 12.7 miyon persona cu a participa den un consulta postal na Australia, a pronuncia nan mes na fabor di e matrimonio homosexual. E “NO” a haya un total di 38.4% di e votonan, segun e oficina di estadistica a informa. E resultadonan a wordo divulga diamars.
Casi 80 % di e electornan a participa den e iniciativa informal cu lo mester wordo aproba door di Parlamento pa e bira Ley, segun e agencia AFP ta informa.
Pa parehanan di e mesun sexo por casa, Parlamento, unda cu Conservadornan a blokia e avance di e iniciativa, lo mester adopta un legislacion unda cu nan ta duna e encuesta e formalidad di un ley.
Miles di simpatisante di e causa di matrimonio igualitario a celebra cu actonan festivo organisa den full Australia ora cu e resultado a wordo anuncia.
“Australianonan awo por confia cu e estadisticanan por refleha e punto di bista di e poblacion electoral”, e hefe di e oficina di estadistica Davis Kalisch a bisa.
Fuente: http://www.ntn24.com