Pa loke ta hasi corte digital manera a ser haci na Hulanda a puntra mr. Peter Lemaire con leu Aruba ta den e fase aki y kico lo bay haci pa nos tambe por tin casonan mas digitalisa.
Ministerio Publico di Hulanda a lanta diferente Cortenan di Husticia, tin su propio branche pa casonan di fraude, pa mensenhandel, criminalidad financiero. Eseynan ta organisacionnan cu ta desaroyonan ta tuma luga na un otro manera y e comunicacion no tur ora ta bon. A cuminsa un iniciativa na Hulanda, pa asina e samenwerking por mehora, pa e casonan cana hopi mas miho. Aki nan Aruba, e ta tuma luga na un escala hopi mas chikito. Aruba tin un solo Corte. En principio lo kier traha mas en conhunto, ya cu na Aruba por sinta den sala ora trata di casonan special of casonan grandi, unda cu lo por trece un otro hues for di un di e islanan. Na Corsou, Aruba y St. Maarten, ta trata e casonan di e islanan mes.
E trabao en conhunto cu e otro islanan, ta mas chikito, unda ta trata casonan di cada isla ariba e respectivo isla ya cu e Ministerio Publico ta situa na e isla mes. Pero esey no kiermen cu e ta satisfecho, ya den e samenspraak, lo tin toch mester di un intake digital di e caso. Aki na Aruba ta traha cu mail, Dropbox y onedrive, cual na su turno, no tur ora ta e metodo di mas sigur, y esey ta haci cu e por bira fastioso pa bay den e era digital di un solo biaha.
Tin casonan cu tin ora tin di haber cu desaroyonan internacional cu kisas den sistema di ley di Aruba no por duna castigo na caso asina con Aruba su Corte ta deal cu esaki ta loke a puntra mr. Peter Lemaire . na Hulanda tin un strafbeschikking y riba e islanan tin transaccion, cual basicamente cu un civil independiente por haci un deal cu Ministerio Publico, unda ta paga un cierto suma, unda cu lo no persigui e persona legalmente y caminda cu e persona lo no haya un strafblad.
Pero na Hulanda, contrario cu Aruba, aunke a cera un acuerdo cu Ministerio Publico, e cliente toch lo haya un strafblad. Eynan si bo ta haya un strafblad y Ministerio Publico ta haci e papel di hues. Un abogado den Hoge Raad a haci un investigacion ariba e tema aki, cual segun conclusionnan ta laga hopi di desea. Segun mr. Lemaire, Hof no ta contra di OM afdoening, contal e keda limita na casonan mas chikito, y menos importante. Un di e nadeel di OM afdoening y voordeel di e sentencia, ta cu e ultimo aki ta cu e ta tuma luga den un luga publico. Na Hulanda e ta ariba un escala mas grandi, unda cu ta trata casonan di criminalnan grandi y unda cu Hof ta cay aden, y esaki ta un risico, ya cu e comunidad no ta haya sa kico ta pasando, Parlamento no sa kico ta pasando eynan, corantnan local no ta haya sa kico ta pasando eynan. Na Aruba no tin iniciativa pa un strafbeschikking, pero locual si ta pasando ta cu KPA si ta focus ariba castigonan mas halto, p.e. Den casonan di atraco. Mas y mas casonan grandi ta bini dilanti y menos casonan chikito. Esey kiermen cu mas casonan grandi ta wordo regla cu Ministerio Publico of cu nan ta tarda un poco mas pa wordo trata, segun hues mr. Peter Lemaire.