Awe ta un importante pa eleccion y aunke lidernan di e dos partidonan grandi ta broma cu nan tin candidato na granel, nan tin algun carta bieu bou manga pa ora esnan cu no a gusta nan number dicidi di bula afo.
Y esey ta loke ta tumando luga aworaki. Awe ta e dia di kita y pone.
Pa aworaki esnan sigur te cu awor riba e listanan ta lo siguiente. Pa partido berde cu su lider ta den un crucigrama cu si ta pone Benny Sevinger riba lista of no. E tin basta presion di ambos banda y esey ta motibo di negociacionnan andando te aworaki.
Pa e lista berde tin lo siguiente sigura te awor: Mike Eman, Mike de Meza, Arthur Dowers, Gerlien Croes, Robert Candelaria, Richard Arends, Jennifer Arends Reyes, Selene Kock Carl Giel, Rycon Santos do Nascimento, Mervin Wyatt Ras,
Gregory Bronswinkel; Marlon Sneek; Carlos Bermudez; Clifford Heyliger; Jaritza Dubero; Melvin Tromp; Desiree Croes; Muzannin Wever; Sharon Erasmus; Wendrick Cicilia; Michael Lampe; Edu Vos; Juan Manuel Kelly; Otami Thomasia. Un di e cartanan bieu bou di manga ta Norman Roos, kende biaha pasa caba a bula aden ora cu Arondino Croes a bula afo malcontento cu su number. Parce cu Arondino Croes e biaha’ki ta bay cu CURPA.
Pa loke ta partido MEP tin e siguiente lista di candidato: Evelyn Wever Croes, Xiomara Maduro, Glenbert Croes, Dangui Oduber, Rocco Tjon, Arthur Vallejo, Endy Croes, Hendrik Tevreden, Alvin Molina, Edgard Vrolijk,
Setty Christiaans; Shailiny Tromp; Darlaine Guedez Erasmus; Sue-Ann Ras; Marco Berlis; Haime Winterdaal; Ady Thijsen; Reinwald Lopez; Joe Koolman; Stephany Croes; Eddy Paris; Rudy Richadson y parce Michella Lacle tambe ta un candidato.
MEP tambe tin algun carta bou manga pa caba di cera e lista.
Riba e lista di MEP por mira cu no ta aparece Chris Romero, kende ta den conflicto cu e partido pa motibo di number cu el a haya. Pero mas ainda e ta mal contento cu e falta di respet pa cu su persona. E tabata un actitud manera un “tum’e of lag’e si bo kier”, despues cu el a haya 1048 voto e ultimo eleccion, e di seis votegetter di e partido.