Atraco Team a detene un persona sospecha di diferente atraconan y 4 ilegal

Enconexion cu un investigacion andando team di Atraco a detene e homber Venezolano L.A.P.O. 27 aña plus dos ilegal ( Venezolano) cu tawata hunto cune den su auto.

Tambe a haci entrada hudicial na Colombiastraat caminda tambe a bin encontra dos ilegal ( Venezolano) cu a wordo deteni y otro entrada hudicial na Wernetstraat.
Mester bisa cu e persona deteni ta wordo sospecha di diferente atraco den e luna di december y ta considera sumamente peligroso y ta pesey a haci uso di arrestarieteam.

No ta descarta mas detencion lo bay cay den e proximo dianan en conexion cu e mesun investigacion aki.
Pa Cuerpo Policial por resolve mas caso cooperacion di pueblo di Aruba ta hopi importante pesey nos ta pidi si bo tin cualkier informacion yama nos tiplijn: 11141.

Comments

comments