Dialuna merdia en conexion cu un investigacion a detene na aeropuerto e homber di nacionalidad Venezolano di inicialnan R.D.F.
Un rato pasa en conexion cu mesun investigacion haci entrada hudicial na un cas na Weg Rooi Congo caminda a detene e homber P.W.S. di nacionalidad Venezolano pero di origen Chines.
Mester bisa cu e personanan deteni ta wordo sospecha di diferente atraco den e luna di Januari (Entre otro Sero Blanco y Rondweg).
No ta descarta mas detencion lo bay cay den e proximo dianan en conexion cu e mesun investigacion aki.
Pa Cuerpo Policial por resolve mas caso cooperacion di pueblo di Aruba ta hopi importante pesey nos ta pidi si bo tin cualkier informacion jama nos tiplijn: 11141.
E armanan (2) y e pañanan usa den e atraconan a wordo encontra y confisca na e cas na Weg Rooi Congo.