Tawata 25 februari 2022 den oranan di anochi central di polis ta wordo notifica di un atraco cu lo mester a tuma lugar na Gran Suerte cu ta un lugar di loteria situa na Paradera.
Central di polis a despacha diferente patruya pa e sitio menciona.
Na yegada di e prome patruya ta bin topa cu un señora benta abao. E señora ta conta cu un rato prome dos hende lo mester a spray e cu pepper- spray den su cara y a bay cu e tas di placa.
Hasta coleganan di ambulance mester a presenta na e sitio pa atende cu e señora .
Awe Atraco Team riba orden di Ministerio Publico a detene e mesun señora aki di inicialnan:
M.J.K. naci na Aruba di 54 aña di edad pa a haci un denuncia falso tocante un atraco cu a ser cometi riba dje.
E sospechoso a wordo hiba dilanti un sub fiscal pendiente di mas investigacion.
Cuerpo Policial Aruba ta manda un mensahe na nos comunidad cu haci un denuncia falso ta castigabel pa ley cu por tin consecuencia pisa pa bo actonan.
- Latest
