LA PAZ, Bolivia- Un episodio violento a sacudi e sociedad Boliviano diahubes: un banda di atracador a purba asalta un joyeria den e centro di Santa Cruz y cu a termina den un baño di sanger: cinco persona a perde nan bida, incluyendo 3 di e 4 atracadornan, y al menos 7 otro persona a resulta herida den un tiroteo.
E asaltantenan, cu a autoridadnan Paraguayo y Brazilero ta di opinion cu nan ta forma parti di e grupo di Brazil Primer Comando Capital (PPC), a drenta den un joyeria exclusivo den careda di 9 or di mainta, segun e Agencia Boliviano di Informacion (ABI).
Un security y e empleadonan a logra alerta autoridadnan di e presencia di e hombernan aram cu metrayeur M16, y loke a sigui despues ta un caos.
Segun ABI, e atracadorna a recolecta e botin cu tabata consisti di piedra y metalnan precioso, holoshi y nan tabata saliendo ora cu nan a topa cu polis. Eynan e tiroteo a cuminsa.
Un di e asaltantenan a entrega su mes na autoridadnan bisando cu e tabata un rehen di e joyeria. E otro tresnan a tuma e empleadonan di e luga como escudo humano y a purba huy. Mientras tanto, un otro atracadoro a sali riba caya scondiendo su mes tras di e curpa di e gerente di e joyeria, Lorena Torrez, cu a perde su balans ora cu e tabata canando. E atracador a tir’e.
E impacto di e autoridadnan a alcansa e tres asaltantenan y polis por a recupera e control di e joyeria. E atake a dura 40 minuut.
Entre e victimanan tin un oficial di polis y e administrador di e luga.
Fuente: www.cnnenespanol.com