Diabierna pa mas o menos 8:05 anochi central di Polis ta keda informa cu un rato prome un atraco a tuma luga na un luga di bende number riba e caminda di Driemasterstraat altura di Ephoria bar. Patruya di Oranjestad ta presenta di biaha na e sitio. Na e luga di bende number Polis ta topa cu hendenan cu tabata presente ora e homber a saca arma y punta e rebendedora pa haya e benta di dia. Un dama a drenta den shock pa cu e sucedido. E atracador a bay cu algo di 2000 florin, y a bay cu e pertenencia di a señora tambe.
E sospechoso tabatin sweater preto y un bermuda bisti. Nan tabata papia spaño y no tabatin cara tapa. Na pia e sospechosonan a bandona e sitio. Atraco team tambe a presenta pa asina haci nan investigacion tuma datos di e victimanan. Slachtofferhulp tambe a presenta pa asina papia cu esnan presente y ambulance a presenta pa un señora cu a bira malo.
Cuerpo Policial ta pidi ken cu por a wak algo yama tiplijn di polis 11141.