Diadomingo den careda di 8 or anochi polisnan ta presente na Perle d’or na Boegoeroei caminda nan a keda atraca den camber di e apartament. Segun informe cu e victimanan ta declara na autoridad y esaki a keda confirma pa vocero di Polis Sra Liliana, ta cu tres hende muhe tabata den e camber y e porta diripiente a keda habri cu un yabi pa un persona pafo, y aki ta un hende muhe acompaña pa dos homber cu arma di candela den man a atracanan.
E atracadornan tabatin cara tapa y papia spaño y a menasa e hendenan cu e arma y a bay cu alrededor di 1000 dollar. E victima a reconoce e dama cu a habri e porta pa e atracadornan drenta, ta trata di turistanan cu ta na Aruba pa photoshooting pa un calender y a pasa den e mal experencia aki. Cualkier persona cu por sa algo por yama tipline di polis 11141.