Diadomingo pa 8:50 anochi Central di polis a keda informa cu na un cas na Saliña Cerca a tuma luga un atraco cu arma di candela. Di biaha patruyanan ta yega na e sitio y topa cu basta dama cu ta papia spaño na e cas. Segun e damanan a informa autoridad cu dos homber papia spaño a menasa e damanan na e cas cu arma di candela y a bay cu un cantidad di placa. Segun e damanan e atracadornan lo a forsa di bay cu dos dama bou 30 aña di edad. Habitantenan a menciona cu e cas ultimo tempo tin cosnan straño ta pasando estilo prostitucion damanan di bida ta drenta sali for di e cas y tin un cantidad di dama indocumenta den e cas y tin e bario preocupa. E caso aki a pone cu hefe di cuerpo policial, recherchanan di atraco team y demas unidad a presenta pa investigacion e sucedido aki.