Atraco arma na Get Rich Rudolfarendstraat Lottery

Diabierna anochi na momento di ciere un señora cu a caba di bende numbernan di loteria cerando e luga a keda sorprendi pa un hende homber desconoci. E sospechoso lo a menase cu un arma blanco y pidie pa e saco cu e benta di dia aden cu tabata tin algo di mas cu mil florin aden. E señora no por a mira e sospechoso debi cu esaki a menase pa no bira wak patras. Asina e sospechoso cu a haya loke e tabata kier y a bandona e sitio. Polisnan a yega basta lihe pa tuma dato y asina notifica atraco team pa haci nan investigacion. Personal di slachtofferhulp tambe a keda poni na altura cu a presena pa atende cu e señora spanta.

Comments

comments