MARIGOT, Saint Martin —Corte na Basse Terre na Guadeloupe riba diahuebs, a sentencia cinco individuo responsabel pa e robo di e joyeria Goldfinger, den Marina Royale riba dia 11 di December, 2015, na varios sentencia di prizon, for di 2 te cu 10 aña di castigo.
Riba e dia aki, Goldfinger a wordo ataca den dia cla, pa 2’or y 45 di merdia, pa cinco individuo, dos di cual tabata arma cu un hacha y un mokkel. Nan a kibra e glas di e showcasenan prome cu a horta e joyanan y notablemente varios holoshi di luho.
E investigacion diligente efectua pa e detectivenan di Brigade de Recherches, a descapacita e cinco criminalnan aki, pa identifica nan rapidamente y tur cinco a wordo aresta, medio Januari 2016 y a wordo cera na Guadeloupe.
KC a wordo sentencia na shete aña di prizon y un multa di 10 mil euro. CP a wordo sentencia na cinco aña di prizon y un multa di 8 mil euro. DL y MS ambos a wordo sentencia na cuater aña di prizon y 5 mil Euro di multa y SL a wordo sentencia na dos aña di prizon.
Fuente: www.thedailyherald.sx