Vocero di Polis Sra Liliana ta confirma cu diadomingo anochi pa 8:15 yamada ta drenta na centraal di polis cu un atraco a tuma luga na un cas na Madiki Kavel. Patruyata yega na e cas na unda ta topa cu e doño di cas y e ta declara cu 3 hende homber a yega drenta su cas y a pidi pa placa.
Nan a dal e homber den cabez tapa su cara y a mare. Su yui homber di 9 aña tambe nan a mare. Dos di e atracadornan tabata tin arma di candela. Nan a reboltia e cas y a bai cu cadena ,cartera y telefonnan. Despues nan hui aparentemente den un auto color shinishi. Diferente unidad a cuminsa hasi busceda pa wak si nan ta topa cu e auto .
Na altura di Korvetstraat nan a topa cu un auto cu ta cuadra cu e auto cu mester a wordo usa pa huy di e cas na madiki kavel. Ariba ordo di hefe di Atraco team e auto a wordo tuma den beslag na unda cu polis forensico lo hasi su investigacion.
Atraco team a presenta y tambe slachtoffer hulp.
Ken cu por a wak algo yama tiplijn di polis 11141.