Dialuna pa 11.45 central di polis ta haya un yamada cu un atraco a tuma lugar na Tur Dia foodmarket na Tanki Leendert. Na yegada di e patruya por a compronde di esnan trahando den e lugar cu 3 hende homber cara tapa y cu un arma di candela a drenta e lugar y a atracanan. E dama cahera a cuminsa na lucha cu e atracadonan cu a intenta di subi e toonbank. Tabata tin mas hende den e luga cu a hasta lucha cu e atracadonan, un di e chinesnan a cuminsa manda e atracadornan cu botter y un di esakinan a alcansa e atracador y pone cu el a trompica. Prome cu e atracadonan a bandona e supermarket lo a los un tiro.
No por a wak si e atracadornan lo a huy na pia of den auto y ni den cua direccion. Atraco team a presenta y tuma e investigacion over, tambe departamento di slachtofferhulp. Cuerpo Policial ta pidi pa es cu a wak algo of sa algo jama tiplijn di polis cu ta 11141.