E weekend aki di 13 pa 16 di October lo tin un campeonato grandi di bike cross na Lima, Peru. E campeonato Latino Americano di BMX lo tuma na dicho pais y lo conta cu e miho coredornan di bike cross di henter Latino America. Mas cu claro Aruba tambe lo manda su miho dos atletanan den persona di Feddison Flanders y Zaithyel Soekandar, dos atleta elite y di nivel halto cu amplio experiencia den caredanan internacional di taya. Den pasado tanto Zaithyel como Feddison a competi den Weganan Centro Americano y Del Caribe, campeonato mundial, clasificacion Weganan Olimpico di Rio 2016 y Weganan Panamericano unda nan a haci bon papel
E caredanan lo tuma lugar riba e circuito BMX San Juan De Lurigancho y ta bou auspicio di e federacion mundial di Ciclismo, esta UCI. E miho coredornan di henter e continente Latino America lo bay ta presente cu algun medayista Olimpico di Rio. Hunto cu e atletanan Flanders y Soekandar a biaha coach di seleccion Pedro Estaba.
Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e atletanan Feddison Flanders y Zaithyel Soekandar pa competi den e Copa Latino Americano BMX 2016na Lima, Peru.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.