Diasabra mainta e team di Train Hard Fight Smart a start cu training bek na Grape Field despues di basta tempo. Nan ta preparando pa varios campeonato internacional y nacional y e team mester ta den nan top shape pa tur esakinan. Mester focus ariba e biahe pa Korea tambe, pasobra e team mester ta den miho forma pa asina nan ta bon prepara pa e Korea Open. Korea no ta djis un trip di 4 siman so, sino campeonato y training tambe, nos lo amplia mas tocante di e biahe pa Korea despues.
Training nunca ta facil na Brazil Taekwondo Stichting, pasobra nos ta 100% porciento tras di e lema di nos y te cu e dia di awe nos ta cumpli cu esaki tambe, “Train Hard Fight Smart”. Manera por mira ariba e potretnan, nan mester a core bay te na e subida banda panort bin bek pa asina train 1 ora y mey pa cumpli cu e programa di e training aki na Grape Field. Training lo sigui den veld manera tin plania den e plan di entrenamento di Brazil Taekwondo Stichting. Nos tin hopi meta grandi nos dilanti y nos lo sigui traha duro ariba esakinan.