Den fin di siman Aruba su team di TK5 a biaha pa participa na e di 5 TK5 na Surinam cu a tuma lugar na Paramaribo. E TK5 a conta cu participacion di 2 team for di Surinam, Frans Guyana y Aruba. Nos hermana Isla Corsou no por tabata presente, door cu nan no por a logra di forma un team.
Aruba su team a consisti di 6 atleta di cual uno tabata pa reserva. Un team cu a wordo forma pa Alberto Klabér, Aaron Jacobs y Aischal van der Linde.
E atletanan tabata:
1 Danon Delamore
2 Jahmani Eisden
3 Lixjandra Bello.
4 Maellyn Fradl.
5 Dilon Brown.
6 Elijah Mackay.
E team di Aruba a biaha pa prome biaha cu un reserva y a wordo guia pa Aaron Jacobs pa asina logra titula pa di 5 biaha consecutivo campeon y logra gana e copa na Surinam. Aruba su team a gana Surinam cu un score di 37 pa 14 den e prome pelea. Den final Aruba su team a logra gana un otro team di Surinam cu un score di 37 pa 12.
Esaki tabata e atletanan Danon Delamore y Jahmani Eisden nan ultimo biaha participando den e team di TK5, pasobra nan ta bay cumpli 12 aña y mester cuminsa busca atletanan nobo pa asina forma un team dinamico pa e di 6 TK5 na Corsou, pasobra nos tin un appel pa pela ainda cu Corsou. Na luna di April nos lo cuminsa busca atletanan nobo pa asina forma un team nobo pa Corsou.
Un danki ta bay nan nos medionan cu a sigui nos for di Surinam, specialmente Alwin Rasmijn di www.zoomaruba.com.