ARIZONA, Merca- Dialuna e atleta Peruano, David Torrence a aparece morto den un piscina di Scottsdale, Arizon. Torrence di 31 aña, algun dia atras a biaha pa Merca pa train despues di a participa den e miya Emsley Carr, un di e pruebanan di e Liga di Diamante, cual a tuma luga na Birmingham, Reino Uni.
Segun e corante deportivo “Marca”, causanan di su morto lo ta conoci despues di e autopsia wordo realisa ya cu polisnan no a haya niun prueba despues di a retira e curpa.
Torres a representa Peru den e weganan olimpico di Rio 2016, unda el a competi den e careda di 5 mil meter, disciplina caminda cu e la keda na di 13 luga despues di a yega final. E ta poseedor tambe di e record nacional Peruano di 800, 1.500 y 5 mil meter.
Tata di Torrence tabata miembro di e Marina di Merca, cu a casa cu un Peruano. Pa e motibo ey e hoben a nace na e distrito di Okinawa, Japon. Incluso, ela cuminsa su carera di fondista representando pais di su tata, cu a fayece tempo cue tabata tin 6 aña
Momento cu noticia di su morta a bira conoci, varios atleta a manifesta nan tristeza riba rednan social. Incluso e cuenta oficial di e ekipo di atletismo di Merca a lamenta e perdida.
Fuente: https://actualidad.rt.com/