E atleta Arubano di Para Taekwondo Elliott Loosntra PLY recien a biaha pa Rio de Janeiro, Brazil pa su prome competencia di e aña aki. Ta trata di e 2022 Pan American Para Taekwondo Open Championships. E competencia aki ta di e nivel mas halto den e region y e obhetivo principal un biaha mas ta pa logra e podium, cordando cu na 2019 Elliott a bini cas cu e medaya di brons. E equipo di Brazil ta introduciendo aki 26 atleta nobo, di cual 7 ta den e categoria y pesahe di Elliott. Tin 62 atleta registra pa e competencia aki. Nos ta desea tanto Elliott Loonstra PLY y su coach Luciano Mazzeo tur cos bon y hopi exito. E comptencia lo ta riba 15 di april 2022. Un danki special na ‘Lefty’ su fan #1: su mama Jean, tata Andre y henter famia Loonstra y tambe un danki grandi na e pueblo di Aruba pa su apoyo constante na nan atleta Paralimpico.
- Latest
