Den un entrevista cu directora di ATIA, Sra. Michelle de Groot a puntr’e si e ta kere cu binimento di wifi gratis lo yuda trece hende back den caya principal pa por haya un bida back. E ta amplia mas ariba e topico aki.
En berdad bo ta haya e grupito cu ta bin pa busca e wifi, pero bo ta haya hopi turista cu ta concentra rond di e hotspotnan cu tin aworaki. E por tin su efecto positivo toch, cu en todo caso e hendenan pa drenta Caya Grandi y di eyenan porta nan ta cuminsa wak rond y cumpra. Kisas esey lo por pasa, pero ta di spera cu e tin su efecto positivo. Awendia tur hende kier ta conecta, dus wifi gratis, segun Sra. de Groot, riba un isla turistico ta un must.
Awendia tecnologia ta asina avanza, cu ora bo pasa banda di un tienda, e oferta e ta aparece ariba e celular y esey door di wifi, e ta wordo facilita pa e turistanan. Aworaki ta e momento cu ta wak, kico ta e optionnan cu tin, kico ta e tecnologia cu tin available y wak con e comerciante ta pusha su ofertanan y usa creatividad, pa atrae cliente. Cu servicio, cu personal atento y amabel, purba di laga e cliente cumpra den e tienda.
ATIA lo tabata kier wak mas iniativa pa atrae mas hende pa Caya Betico Croes, y segun SRa. de Groot, e ta keda un tema difici. Pero ATIA ta wak cu e iniciativa mester bin tambe for di tur dos banda. Gobierno ta facilita, cual ta importante y e ponemento di wifi gratis ta un paso hopi grandi. Pero di otro banda, e comerciante tambe mester wak den direccion creativo y anto hunto wak con por yega na un Caya Grandi cu ta funciona miho.
Cosnan manera, hasta e manera con bo ta display bo mercancia, cosnan chikito, pero e problemanan ta bay mas diep cu cosnan asina. Pero segun Sra. de Groot, ta pasonan chikito cu di parti di e comerciante tambe cu por haci mas cos. E tin su efecto, pero na mes momento mester wak, sigur cu e ta un tendencia mundial tambe. E ta tur dos banda, di un banda e mallnan grandi no a yuda nos caya principal, pero na mes momento ta wak cu tiendanan grandi ta cerando. Hopi bendemento ta bay online, dus esakinan ta tendencianan mundial tambe.
Sra. de Groot ta bisa cu e tendencia di bendemento online y mas barata, servicionan cu ta facilita e online shopping. Post Aruba NV mes ta haci propaganda pa online shopping. Dus ta wak cu e ta bira mas y mas facil pa cumpra afor. Pero tin un mercado pa tur dos, tin e generacion cu ta prefera di bay e tienda y cumpr’e. E facilidad di manda un producto bek, no tey na Aruba. Si bo bestel na Merca, si bo bestel un algo online na Merca, si e no keda bon ta mand’e bek. Pero aki na Aruba esey no ta bay asina facil, segun Sra. Michelle de Groot, di ATIA a bisa.