Awe mainta Douane, pa motibo di malcontento, a dicidi reuni durante ora di trabou pa
asina ricibi atencion di minister di Finanzas.
ATIA atrobe ta asombra con facil ta gara e arma di “reuni” of “strike” pa pone forsa na
exigencianan, sin tene cuenta na e daño cu ta wordo haci na comercio, consumidor I henter
economia di Aruba. E “reunion” ta wordo programa exactamente ariba e dia cu e barco di container principal ta yega for di Miami, haciendo e daño maximo na comercio di Aruba.
Nos ta enfrentando caba cierto retonan cu productividad serio cu bahamento di container
cu gobierno ta poniendo prioridad pa trata na soluciona.
Tur sindicato tin derecho pa pone forsa y exigi atencion ora esaki ta necesario, pero gara e
hacha di para trabou, cortando adernan principal di economia di Aruba, ta un arma cu
mester wordo uza cu hopi cautela mirando e daño ireparabel cu ta causa na nos pais. ATIA ta expresa un bes mas su preocupacion pa e acto di awe mainta y preocupacion pa su consecuencia. Tene henter un pais rehen pa pone forsa pa negocia, ta mustra di ta un actitud cu e exigencia semper mester wordo cumpli cun’e of ta haci mas daño na economia?