Aruba Trade & Industry Association (ATIA) kier a desea su miembro di hunta di directiva, Tisa LaSorte y tambe Eddy Werleman tur clase di exito como e informador di e gabinete nobo.
Durante e proximo dianan ambos lo tin un tarea sumamente importante p’asina conseha y averigua cua posibilidad tin pa formacion di un gabinete stabiel y cu tin confiansa di mayoria den Parlamento. Si resulta cu por forma un gabinete, nan lo mester motiva e partidonan envolvi p’asina firma un declaracion di boluntad unda e partidonan ta declara cu nan ta dispuesto pa conhuntamente forma un gobierno di coalicion.
Pa mas tarda 12 di juli 2021 e informadornan mester informa Gobernador tocante e resultado di e encargo. Aruba ta enfrentando retonan grandi, pues ta importante cu e proceso aki ta uno lihe pa asina e gobierno nobo por cuminsa mas lihe posibel