E evento cu ATIA lo bay organisa, lo bay tin presentacion di parti di e refineria. Ronald van Trigt a splica mas di e actividad cu lo bay tuma lugar dia 2 di December.
ATIA ta mira e desaroyo di San Nicolas y e refineria, semper tabata tin un relacion hopi fuerte entre henter nos economia di nos pais, pero muy particularmente San Nicolas Semper tabata beneficia masha hopi mes di e actividadnan di un refineria. Van Trigt ta spera cu esey tambe lo bay wordo atendi den e presentacion cu ta bay wordo teni pasobra tur caminda cu nos economia por florece, na ki parti cu ta, Aruba ta relativamente chikito y cualkier actividad economico tin impacto fuerte riba nos pais.
Van Trigt a yega di bisa den pasado, cu tin biaha ta papia di un pais grandi unda cu un actividad economico tin impacto relativamente chikito. Aruba ta manera un auto relativamente chikito y bo mester di un tiki motor pa bo start’e. Tin e privilegio di tin un refineria cu ta bay habri y esey por tin impacto hopi grandi riba nos economia. Ta spera cu e impacto ey ta locual ta spera di dje. Esey tambe manera cu ta wordo bisa, ta cosnan cu kier bay atende durante e anochi aki.
Pa Ronald van Trigt e habrimento di e refineria sigur ta algo positivo pa San Nicolas, mirando cu semper esaki tabata asina y awor cu Citgo tey, e lo ta mas positivo.
Pa Aruba e lo ta un evento cu lo atrae atencion. Ta mira e reapertura di e refineria como un di e puntonan culminante pa e añanan nos dilanti, desde 1924, Refineria di Aruba ta un pilar economico cu nos a custuma cun’e pa hopi aña y e sentimento ta cu e ta bay determina pa e añanan venidero e economia di nos pais na un manera importante. Pesey ATIA a scoge hunto cu e partnernan menciona, pa laga Citgo pa medio di su director y tambe refineria di Aruba, pa medio di su directornan, presenta e anochi aki, e vision di kico ta spera nos cu e habrimento di e refineria.
Van Trigt a sigui splica cu e enfoke ta un enfoke general. Apesar di esnan cu ta bay ta directamente envolvi cu e refineria, cu toch kier tende di Citgo mes y di refineria di Aruba mes, kico Aruba por spera pa e proximo añanan. Kico por spera pa 2017, y e proximo añanan nos dilanti. E inversionnan cu ta bay tuma luga y tambe e structura cu ta forma henter e reapertura aki. Ta preguntanan cu hopi biaha a bin dilanti, pero si tend’e for di esnan mes cu ta bay opera e refineria, e ta algo unico pa tend’e for di “the horse’s mouth”. Esunnan cu ta bay ta operador, esunnan cu ta doño di refineria, lo duna cuenta con e refineria lo bay funciona, pero tambe kico e vision ta pa e añanan nos dilanti. Esey pa ATIA ta un punto hopi importante. Ta papia riba cosnan manera continuidad, con largo e refineria lo bay tey, kico ta e conficionnan pa e operacionnan sigui. Tin hopi pregunta eyfo cu tin cu wordo contesta y ta spera cu e anochi aki, comercio lo por ricibi esey for di e participantenan, segun van Trigt.