Recientemente, minister di labor, Sr. Glenbert Croes a traha un beleid nobo pa DPL, pa cual Sra. Michelle de Groot, directora di ATIA ta splica nan posicion pa cu esaki ya cu nan ta en espera di e propuesta aki.
ATIA a ta wardando riba e propuesta nobo di Minister Glenbert Croes, caminda cu nan lo mester duna un feedback di esaki bek. Si ATIA a compronde cu algun di e cosnan cu ta den dje, ta e toetsing cu e stranhero lo bay pasa aden cu ta bay tin mester di 5 permisonan, siendo cu e tabata tin mester di 10 y pa ATIA esaki ta un bon noticia siendo cu tin un continuacion pa loke ta trata operacionnan di comercio.
Siendo cu despues cu un hende tin 7 permiso y e siguiente ta wordo nenga, e ora e compania ta perde un profesional cu hopi conocemento caba. Tambe a compronde cu un ontheffing lo no pasa mas solamente den casonan excepcional, pero en principio tur stranhero mester pasa den e toetsing aki.
Otro punto ta cu e advies pa tramitacion di permiso awor aki ta bay tin un duracion di 4 siman pa duna un contesta di permiso di trabou , y esaki ta un di e puntonan riba e maneho nobo caminda cu tambe a pidi na Minister pa wak si por asisti den e job center di DPL pa haci un miho trabaou riba supervicion di e capacidad di e hende cu ta aplica pa un trabou. Tambe e rekisitonan of exigencianan di e dunado di trabou pa por tin un miho job matching , unda tambe por bin cu un training pa asisti den e area ey. Te asina leu Sra. Michelle de Groot, directora di ATIA.