E promesanan di Dialogo Tripartite Social Laboral, tabata uno cu a introduci e titularnan, conseheronan di cada partido, gobierno y gremionan. E tabata mas tanto un introduccion di e structura di e dialogo. Tambe e directiva a wordo instala. E prome tema a wordo introduci.
Den e caso aki, tabata un presentacion, no a discuti e tema ainda, cual tabata e ley di ARBO. Como, ATIA nan ta di opinion cu e ley aki mester bin. COmo bon dunado di trabao, bo mester cumpli cu cierto rekisito pa garantisa e siguridad y salud di e trahadonan.
ATIA ta di acuerdo, pero manera ya menciona anteriormente, e mester wordo introduci na un manera responsabel, cu ta duna e dunado di trabao suficiente tempo pa prepara y bin cu cierto cambionan. Mester introduci otro aspectonan importante, no solamente e ley pero un ARBO inspectie tambe, cu ta sigura cu e ley aki ta wordo ateni na dje.
Control ta hopi importante, no solamente esunnan cu ta cumpli, pero tambe esunnan cu no ta cumpli mester wordo controla. Y tur dos banda, e dunadonan di trabao pero e trahadonan tambe tin nan, no solamente nan derecho, pero tambe nan obligacion pa e ley aki.
ATIA ta pensa cu ta hopi importante pa e wordo introduci na un manera responsabel. Esey ta e unico tema cu a wordo toca, p’awo.
Gremionan comercial, sindical, laboral y gobierno lo bay bek den nan seno, pa wak kico ta e siguiente tema cu lo wordo trata. Riba esaki lo bin un reunion ainda.
Ta hopi importante pa por garantisa e siguridad di bo trahadonan, mas por garantisa esaki y di nan banda tambe, adheri na cierto rekisitonan cu e ley ta pone pa e trahadonan tambe. Mas beneficio mutuo lo tin tambe.
Tampoco a trata e tema di pension ainda, pa loke ta e edad. Pero e gremionan comercial lo bin cu nan top 5 di temanan cu nan kier pa wordo treci dilanti y pa wordo trata den e dialogo tripartite aki.