ATIA, como gremio comercial, basta tempo pasa caba, despues di un presentacion di e minister na ATIA, nan por a bay di acuerdo cu e plan pa cu Serlimar. Sr. Ronald Van Trigt, presidente di ATIA, ta splica.
Ta bon y importante, pa Serlimar, como Sui Generis tin su leynan pa nan traha cu nan, nan tin nan reglanan estableci den e leynan di Aruba. Ta na nan pa cobra pa asina Serlimar ta un entidad cu por para ariba su mes. Y pa esey, nan mester genera entrada. Tambe, den e mesun proceso aki, Aruba mester sali di un situacion unda cu nos tin un desaster ecologico, p.e. nos dump y otro dumpnan ariba nos isla, toch e presentacion ricibi di minister ta resolve esakinan. Ta wak caba cu tin cierto movecionnan cu ta tuma luga unda cu waste temporalmente ta wordo dera na un manera hopi responsabel hunto cu EcoGas. Henter e proceso aki, ATIA ta para su tras.
E ta un proceso, unda cu kier pa nos pais bay dilanti. Serlimar como compania Sui Generis, genera su entrada directamente y e plan di cobra un suma pa recoge sushi, comercio un suma chikito pa verwerk e cosnan aki. No por sali mas di esaki y mester sali di plan A pa plan B.
Pa loke ta e presentacion, segun Sr. van Trigt, di con e plan full ta bay ta, nan no a hay’e, pero esaki minister lo bay duna contenido detaya di con esaki lo bay mustra, na e momento ey lo bay tin e opinion di nobo ariba dje. Pero manera el a wordo presenta, cu tur hende ta yuda carga un parti di e problema aki, tur hende ta produci sushi, esaki ta algo cu tur hende mester carga hunto como pais Aruba. Mester move di punto A pa punto B. No por keda den e situacion cu nos ta. Tur hende sa kico esaki nifica. E tin consecuencia pa nos turismo. Aruba di awe no ta e mesun di 60 aña pasa. Hende, turistanan ta pone hopi atencion na loke ta pasa rond di nan. E proceso di elimina dump, e proceso di elimina y procesando sushi na un manera responsabel, ta un tarea cu no por sali mas for di dje y mester move.
Aruba tin un minister cu ta move basta lihe ariba cierto cosnan. Pero manera cu e plan ta actualmente, ATIA por haya su mes den locual a wordo presenta na ATIA y dunando henter e plan di independisa e Sui Generis di gobierno, dunando nan e toolsnan pa nan traha, generando entrada na un manera responsabel y ATIA ta para tras di e plan aki, segun Sr. Ronald van Trigt, presidente di ATIA.