E tema di haya permiso tambe ta algo serio. Miembronan di ATIA ta dunando keho paso local no ta hayando hende y no ta duna permiso pa hende di afo, segun Sr. Ronald Van Trigt, presidente di ATIA.
Negoshinan hopi biaha no por sigui crece, pasobra no tin hende pa traha. Segun Sr. van Trigt, hopi hende ta bisa ta facil, ya cu tin tanto hende sin trabao, respeta esey. Mester purba di dunanan trabao, pero no mester generalisa tampoco. Pasobra no ta tur trabao tin hende pa trahanan. Tin biaha ta uza e estadisticanan aki, tin tanto hende pa traha, dus nan mester haya trabao. Pero no tur hende ta capas di haci cierto trabao. Pa Aruba sigui crece, y sigui bay dilanti, henter e proceso di permiso mester wordo reevalua y e mester bira mas eficiente y mas efectivo.
Nos leynan di labor, ta un otro asunto cu ta stroba negoshi pa sigui crece. Comerciante semper kier tuma riesgo, pesey nan ta comerciante. Pero nan mesun momento, nan ta wordo pidi, p.e. Pa yuda esunnan cu tin problema social, esunnan cu p.e., tin contacto cu husticia den pasado, pa yudanan. Pero e ayudo no mester bin di un solo banda, mester adapta nos leynan, pa duna e hendenan aki un chance y duna comercio un chance pa haya sa, ken nan ta tuma na trabao. Un periodo di 6 luna por ta di mas, pa duna esunnan cu tin problema pa haya trabao ariba mercado laboral, dunanan un chance y comercio tambe, pa e ora ey empleanan. Sr. van Trigt ta kere cu e periodo di dos luna, e hende ta responsabilidad completo, comercio no ta bay acepta of adapta na e procesonan ey. Ta procesonan di bay pensa di nobo ariba nan, pa haci e procesonan aki pa incentiva hende pa busca y haya trabao, pa asina Aruba sigui crece.
Aworaki ATIA ta bay hunto cu su miembronan, unda cu nan tin 8 comision cu nan ta trahando ariba dje, den ATIA. E comisionnan ey ta activo y nan a caba cu e proceso aki na Juli. nan lo bin cu nan proposicion pa cada un di e puntonan aki. Hopi biaha e puntonan di un, ta touch e otro. Ora cu wak por ehempel, e facilidad di haci negoshi, e ta dal den otro cosnan. P.e. un permiso pa traha un edificio y lo traha ariba e tema di asuntonan cu tin comercio preocupa pa un comerciante por traha un edificio pa negoshi. Permiso pa cuminsa traha ta dura seis luna, aunke cu bo tin aprobacion di banco, dus mester cuminsa traha ariba e eficiencia den varios departamento di gobierno, unda cu tur tin conexion cu otro y ta stroba e hacimento di negoshi. Ta dura mucho largo pa haya un permiso pa traha un edificio.
Na Aruba, por wak, cu tin 4500 tereno erfpacht cu no a wordo construi ariba nan of ta mita construi. Con ta incentiva un economia, unda cu trahamento di cas, construccion ta algo esencial pa nos economia, anto tin cierto reglanan cu hende ta haya un permiso erfpacht tin hopi aña cu nan no ta caba cu locual nan a ricibi. E ta destruccion di capital, pero e ta mata economia tambe. Dus ora cu bay di un tema pa otro, ta ripara cu hopi cos ta dal den otro. Y tur di nan mester drecha hunto, pa por mehora e ambiente di haci negoshi na Aruba, segun Sr. Van Trikt. E procesonan aki, cu ta sosode den nos departamentonan, ta stroba comercio.
Si ATIA mester felicita DIMAS, un servicio cu a mehora enormemente. Tin cierto departamentonan cu ta haciendo un bon trabao. DIMAS ta un sigur cu mehoracion ta tuma luga. Ta wak tambe den e Departamento di Censo, tambe ATIA ta aplaudi cu e adelanto cu e departamentonan aki ta haci. Esey ta hopi importante, SVB ta bin cu reglanan nobo, pero tambe ta un organisacion cu ta funcionando hopi mas miho. Ta bin automatisacion y ta traha en conhunto cu otro departamentonan, segun director di ATIA, Sr. Ronald van Trigt.
Pero tin departamentonan cu ta keda atras y un di e departamentonan cu mas ta traha cu comercio ta Servicio di Impuesto. Con por ta posibel cu nan ta trahando ariba aña 2012 siendo cu ya caba nos ta na aña 2017. Asina Sr. Ronald Van Trigt, director di ATIA a termina bisando.