Durante un combersacion cu e director di ATIA sr Herrick Henriquez a duna di conoce cu na fin di 2023 y na cuminsamento di 2024 a papia riba e tereno cu falta di hende pa traha na Aruba. Den 2024 e ex minister di labor a traha un taskforce pa haci un estudio relaciona cu esaki y na Augustus 2024 a bin cu un instruccion pa DIMAS cu algun sugerencia pero e loke a sosode cu e minister di labor despues a pone cu tur cos a tranca. Ora e minister nobo Cicilia a sinta a trece e puntonan aki cu e minister nobo y por a mira cu despues di dos siman dos minister a tuma e decision pa cu e permisonan di trabou pa un rato bypass DPL debi cu tin basta trabou awor riba mercado debi tin scarsedad y aki a bypass esaki pa bay DIMAS di biaha pa haya e permiso laboral.
ATIA a papia cu su miembronan y a haya hopi algun keho cu tin scarcedad di empleado y tin proyectonan nobo y e mercado ta limita na Aruba y ta loke ta tema cu a papia cu minister y DIMAS, y awor aki ta papiando pa wak con pa agilisa e proceso pero semper enfocando di ban busca rubianonan prome y despues hendenan cu ta biba na Aruba cu porta ta indocumenta of via otro manera di traha pa asina reguralisa esaki y asina nan contribui na e impuestonan cu tin y asina ta bon pa e hendenan aki tambe tin un pensioen digno pa futuro.
Ta mira tambe cu e leynan di labor mester wordo structura di nobo, bo ta un pais cu ta basa riba hotelero y parti horeca y servicio ta shiftnan y den e servicio trabou aki por genera hopi entrada, semper ta mira cu ta ser papia di cierto trabounan ta di salario minimo pero e tips cu bo por genera cu bo no ta paga riba belasting ta hopi, di parti e dunado di trabou ta trahando riba schedulenan compara antes y door cu esaki a bira un exigencia di e generacion nobo cu kier mas flexibilidad nan tambe ta trahando pa ta mas flexibel.
Actualmente tambe tin cu mira e personanan edad pasobra awendia bo kier pa tur hende traha y ora di retira bo kier pa nan tin un bon pensioen y ATIA ta analisa cu den pasado a duna recomendacion na ministernan pero no a sinta ainda despues di e decision aki cu ministernan nobo pa por papia riba esaki, si a sinta cu DIMAS pero lo bay tin mas reunion y nan tambe tin cu mira con pa traha riba e proceso aki, tur cos ta depende cuanto indocumenta tin na Aruba y e por bira un peso basta pisa pa DIMAS traha riba tur e proceso aki y a compronde caba cu nan tambe tin un escasez di personal y ta den planes pa digitalisa e parti di permiso aki pa bira mas agil y tin basta idea nobo.
Nos di ATIA ta contento cu a sinta cu nos y pa nos ta trempan den e proceso pa duna idea y den futuro pa sinta cu nan mas biaha y asina con por yuda otro pa haci e proceso mas mihor, unda e proceso ta tranca unda cu e documentonan no ta completo y mester bin un manera ora bo duna tur cos esei ta bira un peticion pa tur dunado di trabou pe registra den nan portal y ta algo cu DIMAS ta bisando, y ta pidi pa tur compania cu ta pidi e tipo peticion aki pa tin tur documento completo pa asina e peticion por bay mas lihe.
