EL CAIRO, Egipto – E presidente Egipcio, Abelfatah Al Sisi, a declara tres dia di lutto desde diadomingo, door di e atentado terorista contra un completo eclesiastico, unda cu e catedral Cristian Copto di El Cair, ta ubica, cu a causa morto di 25 persona, segun e agencia oficial Egipcio, MENA.
“Terorismo ta dirigi contra e patria di e Cristian y Musulmannan, pero Egipto lo fortalece ante e circunstancianan aki, manera custumber,” Al Sisi a subraya den un comunicado difundi pa MENA.
Al Sisi, kende a cualifica loke a sosode di “acto traidor”, a ofrece pesame na e famianan di e fayecidonan.
E presidente a declara cu e sanger drama den e accion terorista aki, mescos cu e atentado di dos dia pasa cerca di e Piramidenan di Giza, caminda cu a fayece seis polis y “e operacionnan heroico” cu a tuma luga pa Ehercito den e provincia di Sinai, ta capitulonan di e guera contra terorismo.
El mufti Shauqi Alam, e principal autoridad Musulman di e pais, tambe a condena e atentado y a subraya cu cualkier accion violento contra iglesia of personanan inocente ta prohibi pa Islam.
Diabierna ultimo, seis polis Egipcio a muri y tres civil a resulta herida pa e explosion di un artefacto explosivo di fabricacion casero riba caya cu ta conduci na e Piramidenan di Giza, west di El Cairo.
E atentado a wordo condena pa e grupo Movimiento di e Brasanan di Egipto-Hasm (Determinacion), cu a duna di conoce pa prome biaha na Juli ultimo, ora cu a reivindica un atake contra un oficial di Polis Egipcio.
Forsanan di siguridad Egipcio ta haci frente, desde e golpi militar di 3 di Juli di 2013, na recurente atentadonan terorista, specialmente den e peninsula di Sinai, unda e ta activo un filial di e grupo Yihadista Estado Islamico.
Sin embargo, e atentadonan contra civil of Cristian no ta habitual den e pais.
Fuente: NTN24