E artefacto explosivo a wordo ubica den cercania di un stacion di polis. Un motobom a explora diaranson den pleno centro di e municipio Colombiano di Jamundi (Valle del Cauca) y a laga seis hende herida, segun Caracol Radio. Entre e heridonan tin un sargento di polis y un patruyero, segun e Alcaldia local a detaya.
E artefacto a explota cerca di e Parke Principal dilanti dos agencia bancario, El Colombiano a indica. Den e vecindario tabatin un Comando de Atencion Inmediata (CAI), p loke ta maneha e hipotesis cu esakii a wordo planea pa atenta contra e agentenan policial.
A hiba e heridonan Hospital Piloto di Jamundi y un di nan a wordo referi n’e Fundacion Clinica Valle del Lili na Cal, debi cu e ta den un condicion deliccado.
Riba su rednan social, Alcaldia a pidi e poblacion pa mantene calma y a pidi e Gobierno Colombiano “mayor sosten” y “accion contundente” pa “enfrenta e ola di violencia” contra di e municipio aki ubica den zuid di Valle del Cauca.
“Jamundi no por sigui biba bao di e menasa constante aki,” e publicacion ta bisa. E echonan di violencia tambe a sosode den e coregimento di Potrerito, den e zona rural di Jamundi, unda cu tabatin hostigamento contra e substacion di polis. Segun Caracol Radio, tabatin atake cu explosivo y tiro di metrailleur contra e luga. Te asina leu no a reporta herido.
Desde varios luna pasa caba cu e presidente di Colombia, Gustavo Petro, a suspende e bahamento di arma cu e rebeldenan di “Ivan Mordisco”, e hostilidad contra e poblacion y e atentadonan contra forsa publico a aumenta den e departamentonan di Cauca y Valle del Cauca.
Na mei ultimo tabatin otro atentado cu motobom contra un stacion d iPolis na Jamundo, cu a laga dos polis herida.