Ateliers ’89 Academia di Bellas Artes Aruba Fundacion, tin e placer y honor di por trece un bes mas e gran Maestro y Artista, e Sensacion di Caribbean Linked III 2015, Diego Espinoza Cruz Gonzales di Mexico.
Si bo ta un persona curioso y creativo cu kier siña diferente manera di produci sonido e ora ESAKI ta pa bo y ta bo oportunidad! OPEN TO ALL PUBLIC, esta tur hende por participa na e sessionan aki di e workshop/laboratorio, unda lo eherce ehemplo y practica cubriendo un amplio posibilidad y acercamiento na sonido. For di historia di música, sonido arte, performance, y perspectivanan politico, pa simplemente tin e placer di produci y percevi sonido.
E ehempelnan y ehercico lo wordo haci segun e nivel di cada participante y nan lugar di unda nan ta prosede. Conocemento di musica no ta necesario pero tur cu a cuminsa o ta avansa caba den musica o como artista, lo tin hopi cos di descubri y conparti. Piesanan y obranan lo wordo crea, produci presenta pa e maestro y participante den e workshop y tambe na diferente lugar cu lo wordo scoge durante e diferente seccionnan.
Pa participa por yama o manda un mail na [email protected] of na telefonnan 5885776 – Cel: 5654613. E workshop aki lo cuminsa Dialuna 5 di Juni di 6.30 pa 9.30pm, di dialuna pa diahuebs. Y ta pa un luna so y lo wordo cera cu un anochi di concierto y performance riba Diahuebs 29 di Juni 2017. Edad ta di 12 aña pariba y cuponan ta limita! Dus mail awor y no warda! E workshop aki ta uno espectacular y unico.
Ateliers ’89 ta situa na Playa rechts tegen over Maria College.