Den su dies aña di existencia, Ateliers ’89 semper a sa di yuda tur su participantenan hoben cu nan portafolio, esta un presentacion di nan trabounan haci durante nan estudio na Ateliers ’89 di cual ta sigura nan entrada na un Academia di Arte. Tambe nos ta e instituto di arte local cu a logra mas entrada di su alumnonan na academianan renombra internacionalmente. Y atrobe ta en busca di mas hoben cu kier haci esaki. E unico forma ta bin y participa na tayernann y sigura asina bo mes un exito. Ta pesey e aña aki 2017 tambe lo no ta diferente, unda nos tin un programa intenso pa por logra esaki. Naturalmente hunto cu participacion di amantenan di arte y artistanan local pa engrandeciendo e proceso formal aki.
Pesey haci uso di e oportunidadnan aki cu Ateliers ’89 ta brinda na un y tur y muy en especial na nos hobennan local. Participa y bin e workshop di ceramica aki unda bo por amplia bo pensamento visual den e obranan di arte cu lo bin ta forma den tercera dimension.
E profesionalismo di Ellen Spijkstra ta uno grandi cu lo wordo comparti durante e simannan cu ta bin cu tur cu ta participa den e workshop aki, cu lo cuminsa dialuna 8 di Mei. Cu e tema traha bo mes un TOTEM, lo averigua y procesa e diferente tecnicanan di ceramica y su decoracion cu glazuur y otro. Lo pone hopi enfasis riba e resultado final di e proceso di arte aki y su formacion como obra tri-dimensional. Na final di e workshop ariba diahuebs 1 di Juni la habri den e salanan di exposicion na Ateliers ’89 un exposicion cu tur e obranan realisa durante di e workshop.
Esaki tambe ta parti di e experiencia cu nos ta inclui y ofrece semper. Unda ta pone enfasis ariba presentacion di obra y e artista mes den e espacionnan di exposicion. Esaki ta hunga un rol importante y ta un experiencia inespera di sentimento y emocionnan inigualabel pa e artista mes y e bishitantenan durante e luna di e exhibicion.
Interesadonan por participa door di inscriba via e-mail na [email protected]. Por yama tambe pa mas informacion na telefonnan 5885776 y 5654613. Check ceramica na Ateliers ’89.com