Fundacion Ateliers89 trahando pa 16 aña largo a keda opera durante pandemia, enfrentando y sobresali barera cu COVID19 a bin cu ne. Ateliers nunca a stop di funciona como punto di arte na Aruba.
Nan ta e unico organisacion cu a duna tayer online pa asina sigui ofrece diferente disciplina di arte na esnan interesa den mundo di arte. Y asina comparti nan conocemento gratuitamente. Tur aña nan ta presenta nan desfile di moda anual den grandi, apesar cu tur medidanan di Covid nan a adapta na normanan nobo.
Cu un gran colaboracion di Check Point Color y Semi Chahmi, bou direccion di Chelsea Peterson a presenta pa prome biaha un online video fashion show, ilustrando den forma aki tur e creacionnan di moda cu a wordo haci di tur participantenan.
Cu aporte di Mondriaan Funds pa COVID, Atelliers 89 a logra yuda 17 artista di Aruba cu subsidio generoso y asina crea e exposicion yama PAN.
PAN ta Dios di PANDEMIA, tambe Dios di Artistanan. PAN ta pan cu Artistanan no a haya durante Covid19. Referiendo na esaki a puntra artistanan pa traha obra cu tin di haber cu concepto aki, cu lo wordo mira den e exposicion di trabou di diferente artista cu tin di haber cu e tema. Artistanan a wordo escogi no solamente pa nan obra pero tambe pasobra nan ta artista di Ateliers’89 bou di curadoria di Elvis Lopez, Director di Ateliers’89.
Artistanan participando cu un gran exposicion multi disciplina di arte manera; video, fotografía, pintura, instalación y escultura. E artistanan cu a participa ta: 1.Velvet Zoe Ramos; 2. Anuar Habibe; 3. Jess Wolff; 4. Armando Goedgedrag 5. Desiree Sporkslede; 6. Brunal Anaya; 7. Suyin Ridderstaat; 8. Samuel Sarmiento; 9. Chelsea Peterson 10.Danilo Geerman 12.Romelinda Maldonado 13.Fernando Vermeer; 14.Sharelly Emanuelson 15.Ken Wolff; 16.Irvin Aguilar 17.Wilfred Jansen.
Nan ta contento pa anuncia cu desde awe, a reinventa nan imagen pa bini cu uno completamente nobo, cambiando e nomber, logo y website pa Punto di Bellas Arte Aruba.
Imagen nobo di e website ta traha den forma pa ta mas visualmente atractivo y fácil di encontra cualkier informacion di e organisacion. Mencionando tur actividad cu nan tawatin den pasado, presente y futuro, un website educativo unda no solamente bo ta haya sa tur loke e organisacion ta representa pero tambe por conoce e artistanan y obranan cu a wordo traha den workshopnan. E punto como centro di encuentro y educacion di artistanan y arte en general di Aruba ta nifica Punto di Bellas Arte Aruba.
Alabez Fresh Milk Barbados, ARC inc, Sint Vincent y otro islanan di Caribe hunto cu Punto di Bellas Arte ta participa den ONLINE CARIBBEAN LINKED VI 2021, anticipando presentacion en vivo di CARIBBEAN LINKED VI 2022 na ubicacion local di Punto di Bellas Arte Aruba.
Tur esaki sin kita afor e fantastico workshop cu tin fin di aña 2021 cu number international manera Ciro Abath (ceramica), Dora Longo (pintura) , Alma Mathijsen (escritora) y Jessie Koeiman (fotografia).
Bo persona ta keda cordialmente invita pa nos prome evento di verano cu e gran exposicion di artistanan di ateliers pa apertura PAN, Diadomingo 11 Juli, 2021 – 8:00pm anochi – y entrada ta gratis.
