Durante e ultimo dos lunanan e workshopnan aki a wordo haci posibel cu e gran aporte di UNOCA, Fundacion Prins Bernhard pa Cultura parti Caribe y Fundacion Mondriaan . Ateliers ’89 a lansa e projecto aki Back to Basics, di dibuho y pintura, na e oportunidad aki pa duna e participantenan e posibilidad pa siña conose e lenguahe mas recien den e mundo di pintura y dibuho.
E prome parti di e workshop a wordo yama Textile Hotie y a wordo guia pa e sympatica artista maestro Tanja Riterbexx, di Berlin, Alemania. E artista maestro actual na Ateliers ’89, yama Arnar Asgeirsson di Reykjavik, Islandia, y e a guia e segundo parti yama Back To Basics. Den ambos workshop a trata e actualidad di dibuho y pintura den su contemporanidad total y aki a sali un explosion di obranan picante cu e 15 participantenan a produci durante e dos workshopnan aki.
P’esey Diasabra awor 9 di December pa 8pm, Ateliers ’89 tin e placer y honor di invita henter e publico amante di arte y publico en general pa bin e apertura aki pa 8pm. na Ateliers ’89 mes. Ateliers ’89 ta situa den e parti patras di Hospital bieu y ta habri pa un y tur por jega e anochi aki y tur otro ora.
E anochi aki sigur ta priminti di ta uno diferente ya cu e pinturanan e biaha aki a traha MURAL, esta Grafitti, riba murayanan di Ateliers ’89 mes. Lo tin presentacion special na ocasion di e opening aki pa e raper, Ginelly na Caminda cu acompañamento di master DJ Adriano Nanof. Tambe e pintura nobo di e participante invita di mas hoben e cabayero Rodrigo Peraza. Bar y cushina lo ta bon surti. Y Dj Adriano Nanof, semper ta anima e anochinan aki di un manera espectacular. Entrada ta gratis pesei acudi! Bo presencia ta altamente aprecia. Back to basics sin ningun duda ta un otro proyecto exitoso mas di Ateliers ’89, danki na Fundacion Prins Bernhard pa Cultura parti Caribe, UNOCA y Fundacion Mondriaan.