Den e workshop aki lo bo wordo reta pa sali y traha cu e sinonimo “totem”. Un totem ta wordo mira como un spirito o obheto sagrado cu ta brinda proteccion na un individuo o un grupo di hende. Door di refleha ariba bo soñonan y deseonan bo ta pone un “totem di deseo” na mundo. Esaki por ta un totem individual pero tambe un deseo cu a bo tin den bo mente pa un otro persona o e mundo cu nos ta biba aden. Esaki lo tuma luga dia 8 di Mei y lo ta bou encargo di Sra. Ellen Spijkstra.
Den e workshop aki bo lo bai ta ta prepara bo mes pa con lo bo bay duna forma na e totem aki. Den e prome siman lo pone enfacis riba diferente tecnica di ceramica manera, scraffito, intrasia y tecnica di marmer. Despues di practica e technicanan aki suficiente, lo bo bai ta realisa bo plan.
E ceramista y fotografo Ellen Spijkstra a sigui su carera na e academia di Minerva na Groningen Hulanda y a haci cu esaki a duna impulso tremendo den e desarroyo como ceramista na Curacao. Desde añanan nobenta Spijkstra ta duna workshops cu ta wordo sigui pa ceramistanan conoci internacionalmente. Hopi di su studiantenan ta traha awor como artista independiente.
E workshop aki ta pa un luna y ta cuminsa Dialuna dia 8 di Mey y ta termina cu un exposicion den salanan major di exposicion na Ateliers ’89 ariba Diahuebs 1 di Juli. E workshopnan ta cuater bez pa siman y ta di Dialuna pa Diahuebs, di 6.30 pa 9.30pm. y ta wordo realisa cu cooperacion, Terafuse Glass and Ceramics..
Pa inscripcion por yama na tel: 5885776 o na Cel: 5654613. Tambe ta aprecia hopi si haci esaki via mail na [email protected]. Tambe por sigui nos ariba www.ateliers89.com o djies pasa na Dominicanessenstr. 34 na O-stad.
Inscribi tempran ya cu e cuponan ta limita y ceramica ta algo hopi gusta pa nos clientela en general. Edad ta 12 aña pariba.