ATCA ta un evento importante caminda ATA y gobierno ta comparti vision tocante turismo

0
RBC Juli 2018
Funmiles-2018

Un biaha mas e conferencia di ATCA cu ta bon bishita di parti di e partnernan di Merca y Canada. E mercado Norteamericano ta lidera e turismo di nos pais, cu mas di mas di 70% di tur bishitante. E entrada den turismo ta wordo genera for di e mercado aki. Minister di Turismo, Sr. Danguillame Oduber ta amplia mas ariba e conferencia aki.

E base di e eventonan aki ta uno hopi importante pa brinda informacion y comparti e vision di gobierno hunto cu ATA unda lo kier hiba turismo. Den e conferencia tambe ta envolvi tur e topiconan di kico ta pasando na Aruba, con nan ta bezig desaroyando e turismo, kico ta den e pipeline pa asina e socionan ta keda na altura pa ora nan bende Aruba, cu e Mericanonan kier bin Aruba, nan sa kico ta pasando na Aruba.

Pero mas importante ainda ta cu nan ta diversificando en mercado na Merca caminda cu nan ta bezig ta habriendo dos rutanan directo nobo for di Dallas y otro for Chicago. Tambe kier explora door di habri otro destinacion manera Denver, Colorado y Kansas City cu sigur ta un mercado hopi potencial. Esaki ta cuadra cu e modelo di vision cu tin como gobierno pa keda habri e mercado den Merca y keda percura pa sigui atrae turistanan di calidad.

Pa ultimo Minister di Turismo a manifesta di ta sumamente contento y cu ta gradici ATA pa organisa e conferencia aki cu sigur ta hopi exitoso. Pa loke ta e gastonan cu apertura di e vuelonan nobo por a trece, e mandatario a expresa cu normalmente ora ta habri un ruta esaki ta un proceso cu por dura lunanan of aƱanan. Pero naturalmente ta bay trece algun gastonan cun’e.

Comments

comments

C: Heineken
new india