Dia, 24 di September e team culinario di Aruba Marriott tabata presente na Indulge Culinary Expo compartiendo sabornan excelente di Atardi y sushi rollnan suculento di Ketsu.
E booth di Aruba Marriott tabata un faborito di e anochi ofreciendo un setup yamativo y platonan exquisito pa purba, cual a sigura un fluho continuo di bishitantenan na e booth. Complex Executive Chef di Aruba Marriott, Romeo Penacino, hunto cu su team culinario a prepara un tremendo sashimi snapper y un crab salad cu un toke unico representando Atardi su menu perfectamente. Atardi a destaca illustrando un setup romantico cu por wordo solicita pa cualkier celebracion special. Mirando cu Atardi ta situa riba beach, e ta e luga perfecto pa experiencia e bahada di solo durante un cena inolvidabel.
Ademas Aruba Marriott su bishitantenan a keda encanta cu e sushi rollnan unico crea y presenta door di Ketsu su Sushi Chef. Ketsu Sushi Bar ta situa den e lobby di Aruba Marriott resort y tin un ambiente casual y relahante unda cu un y tur por disfruta di un seleccion di sushi rollnan excelente, manera entre otro e “acevichado roll”, cual ta traha di cabaron, crab, grouper y un “acevichado sauce” sublime.
E team di Aruba Marriott ta gradici tur esnan cu a bishita e booth durante e anochi aki y ta spera di wak nan pronto bek na Atardi y Ketsu pa asina disfruta di tur e sabornan cu e restaurantnan tin pa ofrece.
Atardi Restaurant y Ketsu Sushi Bar ta situa na Aruba Marriott Resort & Stellaris Casino y por haci reservacion door di yama 520-6600.
Potretnan cortesia di Kenneth Theysen.