KABUL, Aghanistan- Un atacante suicida a mata por lo menos 39 persona den un mezquita Chiita na Kabul diabierna. Otro atake cu bom a causa morto di 33 persona mas den un mezkita den centro di Afghanistan.
E explosion na Kabul ta e ultimo den un serie contra di e minoria Chiita den e pais. E ataka e tuma luga na e mezkita Zaman mientras cu e fielnan tabata reuni pa haci oracion.
Un funcionario halto di siguridad a bisa cu e cantidad exacto di victima ta desconoci, pero cu e forsanan di siguridad a recupera al menos 30 cadaver.
E poblacion Chiita di Afghanistan a wordo fuertemente golpia e aña aki, cu al menos 84 morto y 194 persona herida, den atakenan na mezkita y ceremonianan religioso, segun un informe di Nacionnan Uni.
Diabierna autoridadnan a raporta otro atake riba e mezkita den e provincia di Ghor, den centro di e pais.
Iqbal Nezami, vocero di polis provincial, a bisa cu al menos 20 persona a muri den loke tabata parce un atake dirigi contra un lider local, cu a muri na e sitio.
Niun hende a reindivica e responsabilidad pa niun di e atakenan.
Fuente: http://www.noticiasrcn.com/