PARIS, Francia – Dia 13 di November di aña pasa, tabata solamente un dia normal pa Georges Salines traha, e ora di lunch cu su yiu muhe Lola, miranod noticianan na television y bay drumi tempran. E no tabata tin ni idea, te cu su telefon a zona, sacudiendo e for di su soño, cu su mundo tabata pa cambia pa semper.
“Mi a bay cama…. Sin sa loke ta pasando den e cayanan di Paris,” e ta corda. “Mi a lanta pa motibo di un yamada di telefon mey anochi, di mi yiu homber mayor, kende tabata sa cu su ruman muhe tabata na Bataclan.”
Un aña despues di e atentadonan di Paris, e ciudad aki un biaha mas ta di luto, den un recuerdo di e 130 personanan kendenan a muri e anochi scur ey den e ciudad di luz.
Lola, e yiu muhe di Salines, di 29 aña, a bay un concierto na Bataclan di e banda di rock Mericano Eagles of Death Metal. Mita di e concierto, hombernan arma vincula na ISIS a tira contra e publico y a detona vestnan cu explosivo. Nobenta persona a muri den e atentado, un di e serie di atakenan coordina den e capital Frances.
E famia a pasa oranan tratando di berigua kico a pasa cu Lola, yamando liñanan di emergencia y hospital, incluso deposito di cadaver, pero ningun hende por a bisa si e tabata bibo.
Despues, e pio noticia a yega di e pio manera: nan a discubri atrabes di rednan social cu el a muri.
“Mi ta spera cu e no a sufri, ni a wak su morto,” su tata a bisa.
“Nos no lo bay lubide”
E presidente Frances, Francois Hollande, a devela plakkaat na e luganan di e atake: e Stade de France, pafo di e restaurant Petit Cambodge, riba e Boulevard Voltaire y na e cafenan Bonne Biere y Belle Equipe.
Y na Bataclan, el a devela un memorial cu nomber di e 90 victimanan cu a muri eynan.
Bataclan tambe tabata escenari di un emotivo actuacion e anochi di diasabra di e musico Sting, cual recaudacion di fondo lo tabata destina na organisacionnan benifico di apoyo pa e vitimanan. Sting a cuminsa cu e palabranan: “Nos no lo bay lubida.”
E famoso sala di concierto a habri su portanan despues di a wordo renoba pa elimina e restonan die matansa.
Diadomingo, prome minister Manuel Valls a bisa cu e estado di emergencia, imponi inmediatamente despues di e atakenan, probablemente a wordo amplia.
Cu e eleccionnan presidencial di e pais, probablemente na April of Mei, e prome minister a bisa cu e Gobierno tin mester di retene e podernan adicional delega pa e leynan di emergencia “pa proteha nos democracia.”
“Sangriento campo di bataya”
Denys Plaud tambe taata na Bataclan riba e anochi di e atakenan. El a astribui su supervivencia na e hecho cu, ora cu e atacantenan a drenta, e tabata riba balcon caminda cu tabata tin mas espacio pa move pa balia.
“Mi gusta balia y esey a salba mi bida,” el a bisa CNN dianan despues di loke a pasa na Bataclan. “Esey no ta nifica di no ta den e liña di fuego di arma di e teroristanan.”
Un nacion traumatisa
Diadomingo mainta, e prome flornan pa recorda e victimanan a wordo poni entre e blachinan di herfst na e Plaza di Republica, cu a converti den e centro di duelo y expresionnan di unidad nacional tras di e atakenan riba e ciudad.
E atakenan di un aña pasa a yena hende di conmocion, dolor y duelo na e famia di e mortonan, di esnan cu a sobrevivi y na Francia completo: e nacion a keda traumatisa.
Fuente: CNN en Español