ALEXANDRIA, Egipto – Despues di e bombardeonan dobel na e iglesianan Egipcio, Ishak Ibrahm, un Cristian Copto for di e Iniciativa Egipcio pa Derechonan Personal, ta conta di un clima di miedo entre e comunidad.
E ta sinti miedo na e momento, un figura hopi scur. Si e Papa Copto (Tawadros II, cabes di e comunidad Cristian Egipcio cu di baina a scapa e bombardeo na Alexandria), a wordo enfoca, con e Cristiannan ta sinti nan mes sigur? E mensahe a bay pa tur Cristian, cu bo ta vulnerabel unda cu bo por ta.
Cristiannan na Sinai a wordo forsa pa huy despues di e menasanan militante eynan, aunke cu e peninsula tabata bibando bao di un estado di emergencia pa varios aña. E estado di emergencia no a proteha nan.
E regimen di e presidente Abdul Fattah al-Sisi no ta uno di pro-freedom of speech. Asina ta, e por solamente impone mas restriccion y incrimina hende cu no tin nada di haber cu henter e asunto.
Cristiannan na Egipto semper tabata sinti nan mes como ciudadanonan segunda clase. Den algun parti di e pais, specialmente den e parti sur, nan casnan a wordo cendi na candela.
Parce cu e estado ta indispuesto pa regla e asunto. No ta djis pasobra tin poco siguridad eynan, ta mas riba e cultura di discriminacion.
Tin un bista entre e Egipcionan cu e Iglesia Copto ta para banda di e estado. E Iglesia a paga un prijs pisa pa esaki. Ta wordo considera un sostenedor pa e regimen y pesey el a bira un blanco pa atake di militantenan.
Fuera di esey, ora cu tin incidentenan sectario, e iglesia ta haci declaracionnan cu no ta refleha con rabia e Cristiannan ta.
E frecuencia di e atakenan aki ta hopi alarmante. Den pasado, tabaa tin cierto tipo di resentimento publico pa atakenan riba misa. Pero ora cu nan ta bira frecuente, hende ta djis custuma cun’e.
E no lo ta straño mas. E por hasta encurasha otro Musulmannan radical pa haci mesun cos.
Fuente: BBC World