E ministro di asuntonan interior, Karl Nehammer ta anuncia cu un di atacante a muri pa motibo di tiro di polis. Autoridad a insta pa publico mantene den nan cas mirando cu ainda tin un sospechoso los. No ta cla cuanto cuanto tiradornan den total, sinembargo nan ta describi e hecho un ‘atake terorista’.
Reacciones pa atake na Vienna
Na un conferencia di prensa, Nehammer a bisa cu tabata un dia dificil pa Austria despues di hopi aña. “Pa esnan cu ta ataca un di nos, ta ataca nos tur”, el a bisa. Na henter Europa, lidernan a condena e acto aki, cu ta bin despues di dos atake terorista na Francia e dos ultimo siman.
Otro lidernan, manera prome minister Britanico, Boris Johnson, prome minister di Italia, Giuseppe Conte y prome minister di Spaña, Pedro Sanchez a comparti declaracion expresando nan conmocion y dolor.