ISLAMABAD, Pakistan.- Al menos 8 personas a muri y 25 mas a resulta herida den un atake suicida contra di un patruya policial cerca di un tempel Sufi hopi frecuentemente den e ciudad Lahore, zona oost di Pakistan.
“Ocho persona a muri, entre nan cinco polis y 25 otro persona a keda herida, incluyendo agentenan”, segun e hefe di polis di Punjab, Arif Nawaz Khan, a informa den un conferencia di prensa. El a precisa cu “shete kilo di explosivo a wordo uza den un atake suicida dirigi 100% contra di polis”.
E atake a tuma luga na e entrada di e tempo Suffi di Data Darbar pa mas o menos 8 or y 45 di mainta (ora di Pakistan), segun un fuente a declara na EFE.
Segun e fuente, e obhetivo tabata un truck di e Forsa Elite di Polis di e provincia di Punjab, cu tabata patruyando door di e luna sagrado musulman Ramadan, cu a cuminsa ayera den e nacion Asiatico.
“Door di Ramadan, e siguridad a aumenta specialmente den e luganan di culto y tempelnan”, Ishfaq a declara.
Violencia terorista a baha considerablemente na Pakistan desde cu ehercito a lansa un operacion den e zonanan tribal den noordoost na juni 2014, cu despues a wordo amplia pa e resto di e pais.
Den e operativo aki, 3500 supuesto terorista, segun datonan di ehercito, a muri. E datonan aki no por a wordo verifica di manera independiente