KABUL, Afganistan- (EFE).- Al menos 50 persona a muri y 72 otro a resulta herida diamars den un atentado suicida den un sala festivo, noord di Kabul, caminda cu un grupo di academiconan Islamico tabata reuni pa conmemora e aniversario di e nacimento di Mohammed (profeta Islamico).
E atentado a tuma luga pa 6 or di atardi (hora di Kabul) y a wordo perpetra pa un insurgente cu a detona e explosivonan cu e tabata tin, den e interior di e salon di fiesta, unda cu e celebracion tabata tumando luga, cu tabata carece di control policial, segun e vocero di polis capitalino, Basir Mujahid.
E vocero di Ministerio di Salud Publico, Wahidullah Majroh, a afirma na Efe cu algun di e heridonan mas grave a fayece, pa cual e ultimo cifra di victima ta di 50 persona a perde nan vida y 72 mas a resulta herida.
Según Majroh, e victimanan ta “homber y civilnan”.
Diamars ta un dia festivo na Afganistan, unda cu restaurantnan y otro centronan di recreo ta totalmente yen pa conmemora e festividad pa e nacimento di di e profeta. President Afgano, Ashraf Ghani, a condena e atentado perpetra pa “teroristanan enemigo di Islam” y a califica e atentado como “un crimen impordonabel”, segun un comunicado.
“E ta un crimen contra di Islam y humanidad, e teroristanan, un biaha mas, a actua contra di e enseñansa di e profeta”, Ghani a conclui.
Te ainda niun grupo insurgente a reindivica e autoria di e atake.
E vocero Taliban, Zabihullah Mujahid, a trabes di un comunicado a nenga e autoria di e atentado y a sigura cu e “Emirato Islamico (manera nan ta yama nan mes) ta condena di manera energico atakenan contra reunionnan civil y religioso”, pa cual el a califica e accion “di plannan maligno di e enemigo”.
E aña aki, Kabul tabata escenario di varios atentado, e ultimo tabata siman pasa cerca di un concentracion di protesta di mas di shen miembro di e minoria Shiita Hazara, cu a laga al menos tres morto y ocho herido.
E atentado mas grave a wordo registra na januari ultimo, ora cu Talibannan a rementa un ambulance carga cu bom cerca di e antiguo Ministerio di Interior, unda cu algun dependencia oficial ainda ta opera. Esaki a causa mas di shen morto.
E atake suicida di diamars na Kabul ta bin despues di cu siman pasa representantenan Taliban y di Merca a reuni pa purba negocia un acuerdo di pas pa pone un fin na 17 aña di conflicto Afgano.