SALAMANCA, Mexico- Al menos 15 persona a muri y cuater mas a resulta herida diasabra despues di un atake arma den un club nocturno na Salamanca, Guanajuato. Esaki ta segun informe di Ministerio Publico.
“Total di 15 persona a perde nan bida”, Juan Jose Martinez, vocero di Ministerio Publico di Guanajuato, a bisa na AFP. Guanajuato ta un luga caminda gruponan grandi y poderoso ta dedica na hortamento di combustibel y contra cual gobierno a lansa un fuerte operativo policial y militar.
E atake a keda registra diasabra den oranan di marduga ora cu varios homber, fuertemente arma a yega na e sitio y a cuminsa tira ariba esunnan presente den e club nocturno La Playa. Despues di esaki nan a subi un SUV y bay for di e sitio.
E heridonan ta tres homber y un muhe cu a wordo traslada pa un hospital den e zona. Ainda falta varios victima pa wordo identifica.
E ducto principal di e estatal Petróleos Mexicanos (Pemex) ta pasa door di Salamanca, na Guanajuato y e ta un di e zonanan caminda cu bandanan di delincuente dedica na e hortamento di combustibel, delito cu ta aumenta ultimo añanan y cu a laga e compania petrolero cu’n perdida di 3 biyon dollar.
E ciudad aki ta localisa na menos di 100 km di e municipio di Santa Rosa de Lima, unda cu tin un polis y militarnan ta haciendo un operativo contra Juan Antonio Yepez, tambe yama “El Marro” y señala como presunto lider di un cartel dedica na robo di combustible, conoci tambe como “huachicoleo”.
E atake a bin algun ora despues di cu presidente Andres Manuel Lopez Obrador a realisa un bishita di trabao na Guanajuato, den un acto publico realisa diabierna atardi.
Na final di januari, pafo di e refineria di Salamanca a bin haya un vehiculo cu tabata tin un artefacto parecido na explosivo den dje y den cercania un deken atribui na Yepez unda cu e tabata reclama Lopez Obrador pa retira e militarnan cu ta combati trafico di combustibel den e zona.