BOGOTA, Colombia- E ekipo di campaña di e candidato presidencial Colombiano Gustabo Petro, a denuncia cu e vehiculo den cual e tabata biahando tabata blanco di cuater tiro de e ciudad di Cucuta, cual a wordo desmenti pa e mesun politiconan iskierdista.
E denuncial inicial, haci ariba rednan social, a causa conmocion door di e atraccion di e campañana pa eleccionnan legislativo di dia 11 Maart proximo y e presidencialnan pa dia 27 Mei.
“No a wordo tira ariba e auto den cual mi tabata ta. Nan a organisa un sabotahe violento contra di e manifestacion cu’n centro di mando”, segun e mesun Petro a scirbo ariba su cuenta di Twitter. El a culpa e ex alcalde de Cucuta, Ramiro Suarez, cu tabata preso pa vinculonan cu paramilitarnan.
E vehiculo den cual e candidato tabata biahando si a ricibi cuater impacto di bala den e windshield, pa obhetonan skerpi, y den un principio a confundi esaki cu tironan.
Despues di e incidente, Petro a dirigi su mes na varios centenar di siguidonan for di e hotel Casino Internacional di Cucuta, pa denuncia e “sabotahe violento” di su campaña pa parti di opositornan politico, cu segun e, a yega den “shete bus” riba ordo di Suarez. Ademas el a critica e actuacion di polis pa disolve e concentracion y a acusanan di “a hiba su siguidonan na a parti mas vulnerabel di e parke” y door di esaki, el a wordo expone na golpinan pa parti di su contrincantenan.
E campaña di e candidato den un comunicado a bisa cu “e siguridad di Gustavo Petro ofreci pa polis den su desplazamento no tabata confiabel ni eficaz”.
President di Colombia, Juan Manuel Santos, a reitera den su mensaje di Twitter su “yamada pa e campaña politica desaroya den marco di respet pa e difernencia y sin agresion, y dimes, sin violencia”.
Alcaldia di Cucuta a purba prohibi e concentracion, alegando cu un decreta emiti dia 19 di Februari ta prohibi pa realisa eventonan masivo den e cercania di e Palacio Municipal den e ciudad te cu 12 Maart. Algo similar a tuma luga tambe na Medellin, pero el candidato a logra organisa e manifestacion di igual manera.
Petro ta e candidato, cu ta lidera e ultimo encuestanan di voto.
Fuente: https://www.efe.com