Segun informe di AP, tres hende homber arma a cuminsa ataca na Universidad di Kabul ora cu tabata den celebracion di feria di buki caminda embahador di Iran tabata na Afganistan.Esaki a provoca un confrontacion cu a dura varios ora. 19 persona a fayece y 22 persona a keda herida na universidad mas grandi di e pais.
Vocero di minister, Tariq Arian, a bisa cu tabatin tres atacante envolvi na e asalto, pero tur tres a muri den e confrontacion. Tin ainda tiki informacion di e atake, sinembargo e grupo Taliban a emiti un comunicado, caminda nan ta nenga di a forma parti na e asalto.
E atake a produci ora cu ainda tin combersacion di paz cu e estado di gobierno respalda pa Merca. E negociacion ta tumando luga na Qatar, y e obhetivo ta pa yuda Merca retira finalmente di e guera mas largo di Merca, aunke ainda tin cantidad di hende ta muri pa dia, e grupo di estado Islamico ta lansa nan mesun atake contra e chiitas na e pais.