YOLA, Nigeria – Dos mucha muhe di edad escolar a mata 30 persona y heridando otro decenas diabierna den un atake suicida coordina cu bom den un mercado yena cu hende den e ciudad di Madagali, noordoost di Nigeria, un vocero di e ehercito a bisa.
E atake tin un seyo distintivo di e grupo militante Boko Haram, cu a incita na e insurgencia pa establece un Estado cu un interpretacion streng di leynan di Islam noordoost di Nigeria.
Te asina leu ningun hende a adhudica di e asalto nobo.
“E atake na Madagali a wordo haci pa dos mucha muhe di edad escolar. Nan a detona dos bom na e mesun momento y a causa morto di 30 persona. E mucha muhenan tambe a muri,” Badare Akintoye, vocero di un unidad di Ehercito ubica den un localidad a bisa.
E vocero a bisa cu 57 persona a resulta herida pa e atakenan na Madagali, den e estado di Adamawa.
Boko Haram sa apunta den su atakenan suicida cu bomnan den areanan hopi concuri – manera mercado, luganan di oracion y camponan di refugiado – den noordoost di Nigaria y den paisnan bisiña Cameroon y Niger.
E grupo Yihadista a causa morto di 15 mil perosna y a obliga di huy for di nan cas di mas di 2 miyon di poblador.
E ehercito Nigeriano a ataca e grupo militante y a hibanan pa refugia den su bastion den e mondinan cera Sambisa den e ultimo lunanan.
Fuente: Reuters