RIO DE JANEIRO, Brazil (AP) — Un homber a drenta den un catedral na Brazil diamars y a cuminsa tira den pleno Santo Sacrificio di Misa, matando cuater persona. Despues di esaki e agresor ta comete suicidio, segun autoridadnan a informa.
E suceso a tuma luga den e Catedral Metropolitano di Campinas, na casi 100 km noord di Sao Paulo, según polis a bisa na AP.
E emisora Globo News a mustra imagennan di paramediconan coriendo pa e luga. E emisora a bisa cu e homber a drenta durante misa, a bay dilanti den e tempel y a cuminsa tira uzando dos pistol, matando cuater persona, lagando varios otro herida pa despues kita su mesun vida.
Causa di e incidente no ta conoci. Autoridadnan no a divulga ni e identidad ni e edad di e agresor.
https://es.aleteia.org/2018/12/11/ataque-en-catedral-de-brasil-deja-varios-muertos/